“E’tirof-2014” mukofotiga nomzodlar ro‘yxati e’lon qilindi

“E’tirof-2014” taqdirlash marosimi joriy yilning 26-dekabr kuni “Istiqlol” san’at saroyida Yoshlar madaniyat va san’at markazi tomonidan, Madaniyat va sport ishlari vazirligi hamda qator tashkilotlar hamkorligida tashkil etiladi. Bu haqda Yoshlar madaniyat va san’at markazi “Daryo”ga ma’lum qildi.

Markaz press-relizida aytilishicha, “E’tirof-2014” taqdirlash marosimi iqtidorli hamyurtlarimizga umid va o‘z ustilarida yanada ko‘proq mehnat qilishlari uchun turtki beradi. Masorimda keng jamoatchilik tomonidan e‘tirof etilayotgan ijodkorlar, o‘z sohasida yuqori natijalarga erishgan sportchilar va umidli yoshlar taqdirlanishadi.

Taqdirlash marosimi kino, teatr, tasviriy va amaliy san’at, musiqa va vokal, raqs, sport, televideniye, radio kabi sohalar bo‘yicha bo‘lib o‘tadi va muxlislar ovozlari g‘oliblarni aniqlab beradi. Barcha yo‘nalishlardagi har bir nominant uchun alohida kod ajratilgan bo‘lib, ushbu kodlarni 5742 raqamiga yo‘llash orqali ovoz berish mumkin.

Kino yo‘nalishi. “Yilning eng yaxshi” filmi nominatsiyasida “Qo‘rg‘on” (kodi 101), “Sariq devni minib” (103) va “Geolog” (105), “Yilning eng yaxshi kinoaktyori” nominatsiyasida Matyoqub Matchonov (107), Bobur Yo‘ldoshev (108) va Mirza Azizov (109), “Yilning eng yaxshi kinoaktrisasi” nominatsiyasida Jamila G‘ofurova (111), Shahzoda Matchonova (112) va Asal Shodiyeva (114) da’vogarlik qilmoqda.

Teatr yo‘nalishi. “Yilning eng yaxshi spektakli” nominatsiyasida “Tong otgan tomonlarda” (202),“Tanho qayiq” (203), “Oydin” (204) dramalari, “Yilning eng yaxshi teatr aktrisasi” nominatsiyasida Feruza Xolmirzayeva (206), Lola Eltoyeva (209), Asila Ahmedova (210), “Yilning eng yaxshi teatr aktyori” nominatsiyasida Umirbay Qosimbetov (212), Igor Buxaidze (214) va Anvar Movlyanov (215) da’vogarlik qilmoqda.

Tasviriy va amaliy san’at yo‘nalishi. “Yilning eng yaxshi rassomi” nominatsiyasida Muxtarxon Isanov (301), Tohir Karimov (305) va Valeriy Yenin (306), “Yilning eng mohir hunarmandi” nominatsiyasida Jamshid Gaipov (307), Mahfuza Salimova (308), Odilbek Matchonov (309), “Yilning eng mohir haykaltaroshi” nominatsiyasida Joldasbek Kuttimuratov (312), To‘lagan Yorkulov (313) va Azamat Xatamov (314) da’vogarlik qilmoqda.

Raqs. yo‘nalishi. “Yilning eng yaxshi baletmeysteri” nominatsiyasida Ravshan Abdullayev (402), Charosoy Jurabayeva (403), Rushana Sultonova (404), “Yilning eng yaxshi raqs ijrochisi” nominatsiyasida Sehriyo Mirzayeva (407), Shodiyora Omonova (409) va Dilnoza Ortiqova (410) da’vogarlik qilmoqda.

Musiqa va vokal yo‘nalishi. “Yilning eng yaxshi an’anaviy qo‘shiqlar ijrochisi” nominatsiyasida Nazokat Narziyeva (502), Raxshona Qo‘ziyeva (503), Ilyos Arabov (504), “Yilning eng yaxshi estrada xonandasi” nominatsiyasida Sardor Mamadaliyev (507), Jahongir Poziljonov (508), Ulug‘bek Rahmatullayev (509), Shohruhxon Yuldashev (510) va Alisher Turdiyev (511), “Yilning eng yaxshi ayol estrada xonandasi” nominatsiyasida Dilso‘z (Go‘zal Jumaniyozova, 512), Shahzoda (Zilola Musayeva, 513), Umidaxon Xo‘jayeva (514), Munisa Rizayeva (515) va Ziyoda Qobulova (516), “Yilning eng faol guruhi, ansambli, orkestri” nominatsiyasida “Davr” (517), “Karavan” (518), “Afruz” (519), “Sharq” (520) va “Durdona” (521), “Yilning eng yaxshi bastakori” yo‘nalishida Musaxon Nurmatov (522), Shuhrat Zokirov (523) va Jamshid Izamov (525) g’oliblik uchun da’vogarlik qilmoqda.

Televideniye va radio yo‘nalishi. “Yilning eng yaxshi teleradiojurnalisti” nominatsiyasida Komola Odilova (“Yoshlar” teleradiokanali, 602), Dildora Mardiyeva (“Toshkent” teleradiokanali, 603), Abdulla Mamasodiqov (“Dunyo bo‘ylab” telekanali, 605), “Yilning eng yaxshi teleradioboshlovchisi” nominatsiyasida Shunqor Choriyev (“O‘zbekiston” teleradiokanali, 608), Dilnoza Mamadaliyeva (“Yoshlar” teleradiokanali, 609), Ma’mur Abdiyev (“Sport” teleradiokanali, 611), “Yilning eng yaxshi teleloyihasi” nominatsiyasida “Imkon-shou”dasturi (“Yoshlar” teleradiokanali, 618), “Sayyor kamera” ko‘rsatuvi (“Toshkent” teleradiokanali, 619), “Premyeradan so‘ng” tok-shousi (“Madaniyat va ma’rifat” telekanali, 622), “Yilning eng yaxshi radioloyihasi” nominatsiyasida “Parlament faoliyati” (“O‘zbekiston” teleradiokanali, 623), “Oltin meros” (“Toshkent” teleradiokanali, 624), “Kun tafsiloti” (“Itogi dnya”, O‘zEOAVMA, 627) loyihalari g‘oliblik uchun kurashadi.

Sport yo‘nalishi. “Yilning eng yaxshi sportchisi” nominatsiyasida Begzod Abduraxmonov (701), Vadim Menkov (702) va Svetlana Radzivil (703), “Yilning sport malikasi” nominatsiyasida Jamila Raxmatova (704), Umida Abdullayeva (705) va Tagiyeva Mahliyo (706), “Yilning sport murabbiyi” nominatsiyasida Aleksandr Kim (707), Mars Kuchkarov (708) va  Aleksandr Nedorezov (709) da’vogarlik qilmoqda.