Тошкентда Германиянинг Messe Frankfurt кўргазма компанияси ваколатхонаси очилди, дея хабар бермоқда «Gazeta.uz». 4 декабрь куни Тошкентда Messe Frankfurt Uzbekistan тақдимоти бўлиб ўтди.

Messe Frankfurt’нинг минтақавий директори Юрген Верц Ўзбекистондаги офиснинг очилиши ўзбек бизнесининг Германия, Франция, ХХР, Россия, Ҳиндистон, АҚШ ва бошқа мамлакатлардаги Messe Frankfurt кўргазмаларида иштирок этишга бўлган қизиқишининг ортиб бораётгани сабаб бўлганини айтди.

Messe Frankfurt’нинг Ўзбекистондаги расмий вакили Inter Dialog компанияси ҳисобланади.

Ушбу кўргазма концерни бутун дунё бўйлаб 28 та шўба корхоналари, 5 та филиал ва 53 та шериклик офисларига эга.