Ўзбекистон Республикаси Президенти Ислом Каримов 27 ноябрь куни Ўзбек миллий академик драма театрининг 100 йиллиги муносабати билан театр ижодкорларидан бир гуруҳини мукофотлаш тўғрисидаги Фармонни имзолади. Фармон Ўзбекистон Миллий ахборот агентлиги томонидан эълон қилинди.
Фармонга мувофиқ, Ўзбекистонда профессионал театр санъатини ривожлантириш ва янги босқичга кўтариш, Ўзбекистон халқининг бой маданий мероси ва анъаналарини асраб-авайлаш, юртдошлар, айниқса, ёш авлоднинг маънавий оламини юксалтириш, миллий ва умумбашарий қадриятлар, Ватанга меҳр ва садоқат руҳида камол топтириш ишига қўшган муносиб ҳиссаси ҳамда жамоат ишларидаги фаол иштироки учун қуйидагилар тақдирланди:
«Ўзбекистон Республикасида хизмат кўрсатган артист» фахрий унвони билан
- Набиев Асадилло Суванович — Ўзбек Миллий академик драма театри актёри;
- Юсупова Тути — Ўзбек Миллий академик драма театри актёри;
- Икрамова Дилдорхан — Ўзбек Миллий академик драма театри актёри;
- Масудов Фатхулла Хусанович — Ўзбек Миллий академик драма театри актёри;
- Абдувахабов Абдураим Абдуллахайевич — Ўзбек Миллий академик драма театри актёри;
- Курбанов Бабанияз — Ўзбек Миллий академик драма театри рассоми;
- Цой Светлана Менгиновна — Ўзбек Миллий академик драма театри рассоми;
- Арипджанов Махмуджон Окилжанович — Ўзбек Миллий академик драма театри ёритиш бўлими бошлиғи;
- Қиличов Миролим Ҳусниддинович — Ўзбек Миллий академик драма театри актёри.
Изоҳ (0)