Apple’нинг нархи 700 миллиард доллардан ошиб кетди

АҚШнинг Apple компанияси акциялари нархининг 119 долларга кўтарилиши натижасида компаниянинг нархи 700 миллиард доллардан ошиб кетди. Бу ҳақда Mashable’га асосланиб «Kun.uz» хабар бермоқда.

Apple’нинг дунёдаги мавқеи тобора мустаҳкамланиб бормоқда, таҳлилчилар эса айнан Apple нархи триллион доллар турувчи илк компанияга айланишини тахмин қилмоқда.

«Бизнинг ҳисоб-китобларимизга қараганда, Apple ҳозирда акцияларини 203 доллардан сотиши лозим ва тез орада биз тахмин қилган ва бугунги нарх ўртасидаги тафовут тез орада йўқолади, деб ишонамиз», − деди Apple’нинг 53 миллионта акциясига эгалик қилувчи инвестор Карл Икан.

Ҳозирча акцияларнинг нархи 120 доллардан сал арзонроқ бўлиб, октябрдан буён баҳоси ошиб бормоқда – ўтган бир ой ичида акциялар 24 долларга қимматлашди. Компаниянинг молиялаштирилиши Amazon, Microsoft, Netflix ва Twitter’нинг барчасини қўшиб ҳисоблаганда ҳам уларникидан ортиқроқдир.

Alexander Alternative Capital компанияси ходими Майкл Корчелли Apple 2015 йилда триллион долларга баҳоланишига ишончи комил, аммо таҳлилчилар бу яқин 12-18 ой ичида юз бермаслигини айтишмоқда.