Бугун,

  • USD 11095.31
  • RUB 173.84
  • EUR 10772.44

АҚШ Давлат котибининг Жанубий ва Марказий Осиё ишлари бўйича ёрдамчиси Ниша Бисвал халқаро маслаҳатлашувлар ва икки томонлама учрашув учун Нью-Дели (Ҳиндистон)га ташриф буюради. Бу ҳақда АҚШ Давлат департаменти расмий сайтида хабар берилди.

АҚШ Давлат котибининг Жанубий ва Марказий Осиё ишлари бўйича ёрдамчиси Ниша Бисвал. Фото: catoday.org

АҚШ Давлат котибининг Жанубий ва Марказий Осиё ишлари бўйича ёрдамчиси Ниша Бисвал. Фото: catoday.org

Шундан сўнг Ниша Бисвал Непал пойтахти Катмандуга ташриф буюриб, бу ерда у АҚШ номидан Жанубий Осиё минтақавий ҳамкорлик ассоциациясининг 18-саммитида кузатувчи сифатида иштирок этади.

АҚШ Давлат департаменти расмий сайтида қайд этилишича, Ниша Бисвал Катмандудан сўнг Бангладешнинг Доҳа шаҳрига, ундан сўнг эса ҳар йили ўтказиладиган икки томонлама маслаҳатлашувларда иштирок этиш учун Тошкент шаҳрига келади.

Тошкентда АҚШ Давлат котибининг Жанубий ва Марказий Осиё ишлари бўйича ёрдамчиси билан Ўзбекистон ҳукумати ўртасида бир қатор икки томонлама масалалар муҳокама этилади. Учрашувда, шунингдек, икки томон учун ҳам манфаатли бўлган минтақавий масалалар борасида фикр алмашилади.

Ниша Бисвал ўзининг расмий сафарини Швейцария билан якунлайди. Бу ерда у Европада хавфсизлик ва ҳамкорлик ташкилоти (ЕХҲТ) вазирлар кенгашида иштирок этади. Бундан ташқари, у бу ерда ЕХҲТ ва Марказий Осиё давлатлари етакчилари билан фикр алмашади.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди