Туркманистон президенти Гурбангули Бердимуҳамедов Ашхободга Мустақил Давлатлар Ҳамдўстлиги мамлакатлари ҳукумат раҳбарлари саммитида иштирок этиш учун келган Ўзбекистон Республикаси Бош вазири биринчи ўринбосари Рустам Азимовни қабул қилди. Бу ҳақда «Туркманистон: олтин аср» нашри хабар берди.
Учрашувда узоқ муддатли туркман-ўзбек шериклик алоқаларини янада ривожлантириш истиқболларига тегишли масалалар бўйича фикр алмашилди.
Туркманистон давлати раҳбари ва Ўзбекистон бош вазири биринчи ўринбосари МДҲ саммити доирасидаги ушбу учрашув икки давлат шериклигини янада оптималлаштириш йўлида яна бир муҳим босқич бўлишига ишонч билдирди.
Изоҳ (0)