Бугун,

  • USD 11095.31
  • RUB 173.84
  • EUR 10772.44

Тошкент шаҳридаги «Ўзэкспомарказ»да «Ўзбекистон матбуоти» IV Миллий кўргазмаси бўлиб ўтди. Бу ҳақда Ўзбекистон Миллий ахборот агентлиги хабар бермоқда.

Фото: ЎзА

Фото: ЎзА

Ўзбекистон матбуот ва ахборот агентлиги томонидан Ўзбекистон Республикаси Олий Мажлиси Қонунчилик палатаси ва Ўзбекистон Республикаси Вазирлар Маҳкамаси ҳамкорлигида ташкил этилган ушбу кўргазмада Ўзбекистоннинг турли ҳудудларидаги нашриётлар, босма ОАВ ўз маҳсулотлари билан иштирок этди.

Кўргазманинг очилишида Ўзбекистон матбуот ва ахборот агентлиги бош директори О. Юнусов ва бошқалар Президент Ислом Каримов раҳнамолигида фуқароларнинг сўз ва ахборот эркинлигига доир ҳуқуқ ва манфаатларини таъминлаш, юксак маънавиятли авлодни вояга етказиш, ёшларни турли ахборот хуружларидан ишончли ҳимоялаш масалаларига устувор вазифа сифатида эътибор қаратилаётганини таъкидлади.

Ўзбекистонда ОАВ, нашриёт ва матбаа корхоналарига берилган солиқ имтиёзлари натижасида Ўзбекистон матбуот ва ахборот агентлиги тизимидаги корхоналарда жами 7,5 миллион доллар ҳажмидаги модернизация ишлари амалга оширилди.

«Ўзбекистон матбуоти» IV Миллий кўргазмасида Ўзбекистоннинг етакчи даврий босма нашрлари, ахборот агентликлари ва нашриётлар иштирок этиб, матбуот ва ахборот соҳасида эришилган ютуқларни намойиш этмоқда. Бу йилги кўргазмада марказий ҳамда ҳудудлардаги ёшлар даврий нашрларига алоҳида эътибор қаратилмоқда.

Кўргазмада «Соғлом бола йили» Давлат дастури ижроси доирасида навқирон авлод онг-у шуурини турли маънавий таҳдидлар, «оммавий маданият»нинг салбий таъсиридан ишончли ҳимоялашга қаратилган чора-тадбирлар, жумладан, Ўзбекистон нашриётлари, босма ОАВда мазкур йўналишда эълон қилинаётган материаллар, босма манбалар билан иштирокчилар атрофлича таништирилди.

«Нашриётимиз жорий йилда ‘Камолот’ ёшлар ижтимоий ҳаракати билан ҳамкорликда ‘Жавондаги юз жавоҳир’ рукни остида ўзбек ва жаҳон адибларининг энг сара асарларини китоб ҳолида чоп этиб, ўқувчиларга тақдим этди, — деди «Янги аср авлоди» нашриёт-матбаа маркази бош муҳаррири Маъмура Қутлиева. — Шу билан бирга, болаларнинг ижодий-интеллектуал савиясини ошириш, чет тилларни ўрганишга оид кўплаб маърифий йўналишлардаги китоб ва қўлланмалар, луғатлар ёш китобхонлар учун ўзига хос туҳфа бўлди».

Кўргазма доирасида «Соғлом бола йили» Давлат дастурига асосан нашр этилган болалар адабиёти кўргазмаси ташкил этилди. Унда 20 дан зиёд нашриёт ва матбаа корхоналари ўз маҳсулотлари билан иштирок этди.

Изоҳ
Асосий янгиликлар
Дунё
Россияда урушга боришдан бош тортган маҳбусларга қўшимча жазо муддати билан таҳдид қилинмоқда — ОАВ
Саломатлик
Буйракда тошлар, гипертония: ривожланишига биргина туз сабаб бўладиган 4 та хавфли касаллик
Маҳаллий
Президент Тошкент энергетика тизими бўйича қўшимча топшириқлар берди