Португалия терма жамоаси сардори Криштиану Роналду Евро — 2016 саралашидан ўрин олган Арманистонга қарши ўйинда гол киритиб, жамоасини ғалаба билан таъминлади. Бу ҳақда Uff.uz хабар бермоқда.
Ушбу гол Роналду учун Европа чемпионати саралаши ва финал босқичларида киритилган 23-гол бўлди. Шу тариқа «Реал» футболчиси бу борадаги тўпурарлар рўйхатида 1-ўринга кўтарилиб олди. У туркиялик Ҳоқон Шукр ва даниялик Ён-Дал Томассонни ортда қолдирди. Бу футболчилар ҳисобида 22 та гол бор эди.
Шу билан бирга Роналду фаолиятидаги 450-голни киритганини ҳам алоҳида таъкидлаш керак. У клуб ва терма таркибида жами 703 та расмий ўйинда майдонга тушган.
Изоҳ (0)