АҚШнинг Техас штатида 16 ёшли ўсмир унга пиво олиб беришдан бош тортган эркакни автомобилда босиб кетди. Бу ҳақда Associated Press ахборот агентлигига таяниб, «Кун» хабар бермоқда.
Тергов маълумотларига кўра, ўсмир дўконга кириб кетаётган 58 ёшли кишининг ёнига автомобилда яқинлашиб келиб, ундан пиво олиб беришни сўраган.
Эркак ўсмирга рад жавобини берганидан сўнг, 16 ёшли йигит эркакнинг мини-маркетдан чиқишини кутиб турган ва у чиқиши биланоқ автомобилда уни босиб кетган.
Хабар беришларича, вояга етмаганлар ишлари бўйича суд томонидан ўсмирга нисбатан қотиллик жинояти содир этганликда айблов эълон қилинган.
Изоҳ (0)