Сўнгги босқичдаги мия саратонидан азоб чеккан 29 ёшли америкалик аёл Бриттни Мейнард ўлим инъекцияси орқали ҳаётига нуқта қўйди, дея хабар бермоқда Euronews.
Мейнард эвтаназияга ҳуқуқ берувчи актдан фойдаланиш учун ўз турмуш ўртоғи билан Калифорниядан Орегон штатига кўчиб ўтди.
Бриттни томонидан YouTube’га жойланган ролик 9 миллион марта томоша қилинди, унда қиз ўз қарорини ва унинг сабабларини тушунтириб беради.
Мейнард бир неча ой аввал ўлим инъекцияси рецептини қўлга киритган, бироқ аҳволи оғирлашмагунича ундан фойдаланмасликка қарор қилган. Ўтган ҳафта у ўз веб-сайтида соғлиғи яхши эканлигини маълум қилган эди.
Бироқ шифокорлар томонидан аҳволи салбий баҳоланиши ва ўлим талвасасидан қўрқиши натижасида Бриттни Мейнард қатъий қарор берди.
Таъкидлаш жоиз, Орегонда ушбу акт 1997 йилдан буён амал қилади. Шу вақт ичида 1173 киши ўлим инъекцияси рецептини қўлга киритган, уларнинг 752 нафари ундан фойдаланган.
Изоҳ (0)