Чилонзор тумани ҳокимлиги расмийлари Тошкент метрополитени бекатларидан бирига «Олмазор» номини бериш шошилинч қарор бўлганини таъкидлашди. Бу ҳақда Podrobno.uz’га асосланиб Kun.uz хабар бермоқда.
«Масалан, ‘Собир Раҳимов’ метро бекати номини ‘Олмазор’ деб ўзгартириш тўғрисидаги қарор бироз шошилинч бўлганди, эҳтимол бу бекат ҳам Ўзбекистоннинг бирор таниқли арбоби шарафига қайта номланиши мумкин», – деб ёзади Podrobno.uz.
Интернет-нашр хабарида бекат номи нима учун шошилинч ўзгартирилгани, умуман, уни ўзгартиришга қандай зарурат бўлганига аниқлик киритилмаган.
Қайд этиш жоиз, Тошкент шаҳридаги Собир Раҳимов тумани ва шу номдаги метро бекати номи деярли бир вақтда «Олмазор»га ўзгарган, ўшанда туман номи маҳаллий аҳолининг таклифи асосида ўзгартирилгани таъкидланганди.
Эътиборли томони, «Олмазор» тумани Тошкент шаҳрининг шимоли-ғарбий қисмида жойлашган бўлса, «Олмазор» метро бекати шаҳарнинг жануби-ғарбий қисмидаги Чилонзор туманида жойлашган.
Изоҳ (0)