Ўзбекистонда янги ташкил этилган ва ўз фаолиятини «МТС-Ўзбекистон» («Ўздунробита»)нинг собиқ қувватлари орқали йўлга қўяётган UMS мобил алоқа оператори ўз абонентларига 4G-интернет таклиф қилиши мумкин. Бу ҳақда ўз манбаларига асосланган iLike.uz блогига таяниб, «Кун» хабар бермоқда.
«Манбаларнинг тасдиқлашича, UMS ўз фаолиятини LTE 2600 (4G) технологияси билан бошлайди», — деб ёзади блог.
Блогнинг қайд этишича, бу хизмат барча абонентлар учун мўлжалланган бўладими ёки уни алоҳида тариф сифатида сотишадими, ҳозирча буниси номаълум.
«Тарифлар тўғрисидаги маълумотлар қатъий сир сақланмоқда», — деб хабар бермоқда iLike.uz.
Қайд этиш жоиз, аввалроқ «МТС»нинг Ўзбекистондаги янги шўбаси учун тариф сиёсатини ташкил этиш бўйича мутахассислар кераклиги маълум бўлганди.
Маълумот учун, Россиянинг «МТС» компанияси ҳамда ЎзААТТҚнинг «Радиоалоқа, радиоэшиттиришлар ва телевидение маркази» ДУК ўртасида ташкил этилган UMS (Universal Mobile Systems) компанияси тижорий фаолиятини 1 декабрь куни бошлаши керак.
Изоҳ (0)