Корея яриморолида янги уруш бошланган тақдирда Сеул ўз қўшинларини тезкор бошқариши ҳуқуқини Вашингтондан 2015 йилда қабул қилиши масаласини яна кечиктришга келишиб олинди, деб хабар бермоқда Korrespondent.net.
АҚШ мудофаа котиби Чак Хейгелнинг Корея Республикаси мудофаа вазири Хан Мин Гу билан Вашингтондаги учрашувида қўшинларни бошқариш ҳуқуқи айнан қайси санада топширилиши аниқланмаган, лекин бу Жанубий Корея армияси КХДРнинг ядровий таҳдидига жавоб қайтара оладиган даражага етиши мўлжалланган 2020 йил ўртасида бўлиши кўзда тутилган.
Дастлаб бу 2011 йилга режалаштирилган эди, кейин эса Сеулнинг илтимоси билан 2015 йилга кўчирилган. Тинч ҳолатда Жанубий Корея 639 минг кишилик қўшинларини ўзи бошқаради, бироқ уруш бошланса, бошқарув ҳуқуқи америкалик тўрт юлдузли генерал қўлига ўтади.