Осло университети ҳузуридаги Радиология клиникаси онкологлари ракни даволашнинг янги усулини топгани учун мукофотланди. Кашфиёт ушбу касалликни даволашни анча соддалаштиради ва арзонлаштиради, деб хабар бермоқда ТАСС.
Норвегиянинг миллий Ideprisen мукофоти энг муҳим инновациялар учун топширилади. Inven2 номли илмий ишларни тадбиқ этувчи компания томонидан 100 минг крона (15 минг доллар) миқдоридаги соврин ҳам ажратилган.
Бу йилги мукофот соҳиблари ракни иммунотерапия ёрдамида даволашни ўйлаб топган. Бу рак касалликларини даволашнинг энг истиқболли усули бўлиб, организмнинг ўз ҳужайраларидан фойдаланган ҳолда амалга оширилади. Кимё ва радиотерапеялардан фарқли равишда, ушбу усул соғлом ҳужайраларга зарар етказмайди ва бемор учун ҳам анча енгил кечади.
Изоҳ (0)