Ўзбекистонда янги очиладиган UMS алоқа оператори www.umsuz.uz ва www.myums.uz доменларини рўйхатдан ўтказди, янги операторнинг сайтлари айнан шу доменларда жойлашиши мумкин, дея хабар бермоқда RedPen.
www.mts.uz домени эса ҳалигача «Уздунробита» ЧЭКга тегишли бўлиб турибди, уни UMS ишлатиш-ишлатмаслиги ҳозирча номаълум.
«Домен номлари билан боғлиқ бу вазиятда Тошкентдаги UMS («Уют Мебел Сервис» МЧЖ) мебел фабрикасининг омади чопиб қолди», — деб ёзади нашр. Гап шундаки, www.ums.uz домени айнан шу корхонага тегишли бўлиб, UMS алоқа оператори очилиши ҳақида хабарлар пайдо бўлганидан бери одамлар адашиб шу сайтга кира бошлади. Натижада сайт кўрсаткичлари деярли тўрт марта ўсиб кетди.
Эслатиб ўтамиз, Россиянинг «МТС» мобил алоқа оператори Ўзбекистонда мамлакат ҳукумати билан тузилган Universal Mobile Systems қўшма корхонаси доирасида 1 декабрда алоқа тармоғини ишга туширади. Ўтган ҳафта Universal Mobile Systems МЧЖ қўшма корхонаси директори этиб аввал «МТС» компаниясининг Россиянинг Олтой ўлкасидаги филиалига раҳбарлик қилган Дмитрий Нагорний тайинлангани маълум бўлди.
Изоҳ (0)