Apple компанияси жорий йилнинг 16 октябрь куни яна бир тадбир ўтказади. Бу ҳақда Mashable маълумотига асосланиб «Пароль» нашри хабар берди.
Тахминларга кўра, ушбу тадбирда янги iPad Air 2 ва iPad mini 3 планшетлари тақдим этилади. Аввалроқ ҳам 16 октябрь куни Apple’нинг янги планшетлари тақдим этилиши ҳақида миш-мишлар тарқалган эди.
Янги паншетларда худди iPhone 6 смартфонларидаги каби Apple А8 процессори, илк маротаба TouchID – бармоқ изи сенсори ўрнатилиши мумкин. Шунингдек, биринчи маротаба iPad планшетларининг тилларангли тури ҳам ишлаб чиқарилиши кутилмоқда.
Apple каттароқ – 12,9 дюйм дисплейли планшет ишлаб чиқариши ҳақида ҳам 16 октябрь куни эълон қилиши тахмин қилинмоқда. Тадбирда Mac компьютерлари учун OS X операцион тизимининг янги Yosemite версияси ҳам тақдим этилиши кутилмоқда.
Изоҳ (0)