Ўтган ҳафта мобайнида республикамиз ҳудудида 158 та ёнғин қайд этилди. Турли сабабларга кўра содир бўлган ёнғинларда 1 нафар фуқаро куйиш тан жароҳати олган ва 2 нафар фуқаро ҳалок бўлган. Ушбу ёнғинларда 720 587 595 сўм миқдорида қурилиш материаллари ва 608 311 590 сўм миқдорида моддий бойликлар ёнғиндан сақлаб қолинган. Бу ҳақда Ўзбекистон Республикаси Ички ишлар вазирлиги расмий сайти хабар берди.
Сирдарё вилояти Гулистон туманида яшовчи 1958 йилда туғилган У.Кенжабоевнинг уйида электр симларининг қисқа туташуви натижасида ёнғин содир бўлиб, уйнинг 34 квадрат метр майдонда ички қисми ва жиҳозлари ёниб зарарланган. Энг ачинарлиси, ёнғин ўчириш вақтида уй эгасининг 1 ёшли набирасига тегишли куйган ҳолдаги жасад топилган.
Бухоро вилояти Олот туманида яшовчи Р.Бўрибоевнинг уйида электр симларининг қисқа туташуви натижасида ёнғин содир бўлиб, уйнинг 72 квадрат метр майдонда том, шифти ва уй жиҳозлари ёниб зарарланган. Ёнғин ўчириш вақтида уй эгасининг қизи 1-гуруҳ ногирони Н.Бўрибоеванинг куйган ҳолдаги жасади топилган.
Жиззах вилояти Жиззах туманида яшовчи А.Қосимовнинг уйида ёнғин содир бўлиб, уйнинг 200 квадрат метр майдонда томи, шифти ва уй жиҳозлари ёниб зарарланган. Ёнғин электр симларининг қисқа туташуви натижасида содир бўлган.
Изоҳ (0)