Америкалик актёр Дэвид Линч Ice Bucket Challenge дунё хайрия онлайн-флешмоби иштирокчисига айланиб, Россия Федерацияси Владимир Путинни ҳам шу ишни амалга оширишга чақирди. Бу ҳақда Gazeta.ru хабар бермоқда.
Twin Peaks, The Elephant Man, Mulholland Drive фильмларида рол ижро этган актёр — Дэвид Линч онлайн-флешмобни ноодатий равишда амалга оширди. У мусиқа асбобини чалаётган ҳолда кофе билан аралаштирилган икки челак сувга чўмилди ва фақатгина РФ президенти Владимир Путинга чақириқ йўллади.
Эслатиб ўтамиз, Дэвид Линчдан аввал бошқа бир америкалик актёр — Вин Дизель ҳам АҚШ биринчи хоними Мишель Обама ва актриса Анжелина Жоли билан бир қаторда РФ раҳбари Владимир Путинга чақириқ йўллаган эди. Кейинроқ Россия президенти матбуот котиби Путиннинг чақириқ ҳақида хабардор эмаслиги ва хабар топса ҳам, унга жавоб бериши амри маҳол эканлигини маълум қилди.
Изоҳ (0)