2013 йил октябрида «техник сабаблар»га кўра эфирга чиқмай қўйган NTT оилавий телеканали «Севимли» номи билан қайтадиган бўлди. Бу ҳақда ижтимоий тармоқлар фойдаланувчилари берган маълумотга таяниб, Кун хабар бермоқда.
Телеканал қачондан эфирга чиқиши маълум қилинмаган. Аввалроқ, 2014 йилнинг март ойида телеканалнинг бошқа ном билан қайтиши айтилган, бироқ янги ном эълон қилинмаган эди.
Кейинроқ, май ойида «анча мураккаб кечган рухсат олиш жараёнидан» сўнг, «машҳурлар билан реклама роликлари суратга олиш ишлари кетаётгани» ҳақида хабар берилди.
Қайд этиш жоиз, 2014 йил апрелида NTT телеканалининг «Ҳудуд» информацион дастури вилоятларнинг хусусий телеканалларида эфирга чиқишни бошлагани маълум қилинган.
Изоҳ (0)