Америкаликларнинг 40 фоизи Обама АҚШ фуқароси эканлигига шубҳа билдиради

Барак Обама АҚШ фуқароси эмаслиги эҳтимолига америкаликларнинг 40 фоизи у ёки бу даражада ишонади. Бу ҳақда Rasmussen Reports ўтказган сўров дарак беради, деб ёзади «РИА Новости».

Сўров иштирокчиларининг 23 фоизи президентнинг сохта фуқаролиги ҳақидаги назарияни ҳақиқат деб билади, 17 фоизи бунга унчалик ишонмайди, 60 фоизи уни бутунлай рад этади.

Таъкидлаш жоиз, Обама президент бўлиш учун конституцион ҳуқуққа эга эмаслиги ҳақидаги илк назариялар олти йил аввал олға сурилган. Аризоналик шерифф Жозеф Арпайо Оқ уй сайтига жойланган Обаманинг туғилганлик ҳақидаги гувоҳномаси қалбаки эканини таъкидлаган.

Rasmussen Reports сўровномаси америкаликлар у ёки бу назарияга қанчалик даражада ишонишини аниқлаш мақсадида ўтказилди.