Америка Федерал қидирув бюроси (ФҚБ) кўпинча АҚШда яшовчи мусулмонларга қарши сохта операциялар ўтказиб, уларни терактлар содир қилишга гижгижлаган. Бундай хулоса Human Rights Watch халқаро ҳуқуқни муҳофаза қилиш ташкилоти маърузасида келтирилган, деб ёзади ИТАР-ТАСС.
Ҳуқуқ муҳофазачилари исломга эътиқод қилувчилар террорчилик ҳаракатини уюштиришга урингани бўйича 27 та суд жараёнини ўрганиб чиқди. Маълум бўлишича, уларнинг деярли ярмига нисбатан ФҚБ ходимлари сохта операцияларни ўтказган.
Ташкилотнинг Вашингтондаги бюроси директори ўринбосари Андреа Пресоунинг айтишича, Америка ҳукумати АҚШ ҳудудида терроризмга қарши фаол кураш олиб бораётганини таъкидлайди. «Ушбу ҳолатлар диққат билан ўрганиб чиқилса, ҳуқуқ ҳимоячилари босим ўтказмаган тақдирда, одамлар ўзлари айбдор деб топилган жиноятни содир қилмаган бўлишини тушуниш мумкин, — деди Пресоу. — Баъзи ҳолатларда, ҳаттоки ҳукумат кишиларни терактлар уюштиришга ундаши учун ўз қўли остидагиларга пул тўлаган».
2012 йилда Пентагон ва Конгресс биноларида теракт содир қилишга уринишда айбланиб, 17 йилга қамалган бангладешлик Ризвон Фирдавс иши бундай сохта терактга мисол қилиб келтирилди. ФҚБ Фирдавснинг руҳий касал эканини жуда яхши билган. Шунга қарамай, идора йигитнинг ёнига ўз информаторини юбориб, террорчилик ҳаракатини режалаштиришни ўргатган.
Изоҳ (0)