Samsung компанияси ўзининг бошқа кореялик рақобатчиси LG G3 смартфони учун муносиб жавоб тайёрлади. Бу Galaxy S5 LTE-A смартфонидир. Ушбу қурилмани дунёдаги энг мукаммал смартфон деб аташ мумкин, деб ёзади Mail.ru.
Ушбу смартфон ҳозирги кундаги энг кучли 4 ядроли, 2,5 ГГц частотали Qualcomm Snapdragon 805 процессорига эга. LTE тармоқларида ахборотни узатиш тезлиги 225 Мбит/сонияни ташкил қилади.
Бундан ташқари, Samsung Galaxy S5 LTE-A — энг илғор дисплейга эга. Ишлаб чиқувчилар 2560×1440 пикселли (Quad HD), 5,1- дюймли Super AMOLED матрицасидан фойдаланишган. Пикселлар зичлиги 557 ppi’ни ташкил қилиб, ҳозирги мобил дисплейлар ичида ягона бўлиб қолмоқда. Тезкор хотира сиғими — 3 Гб, ички хотира — 32 Гб (microSD ёрдамида 128 Гб гача ошириш мумкин).
Худди Galaxy S5 каби янги смартфон намлик ва чанг тушишидан сақланган. Шунингдек, бармоқ изларини сканерлаш ва юрак уришини ўлчаш имкониятлари ҳам мавжуд. Асосий камера 16 мегапикселни, олд камера эса, 2 мегапикселни ташкил қилади. Аккумулятор сиғими 2800 мА/с ни ташкил қилади.
Samsung Galaxy S5 LTE-A нинг ўлчамлари — 142×72,5×8,1 мм, оғирлиги—145 грамм. Ҳозирча, смартфоннинг фақат Кореядаги бозорларга чиқиш муддати ҳақида хабар берилмоқда. Маҳаллий операторлардан бирида смартфон ҳафта охирида пайдо бўлади. Унинг нархи 920 доллар деб белгиланди. Қурилманинг кенг сотувга чиқарилиши ҳақида ҳеч қандай маълумот берилмаган.
Изоҳ (0)