Вьетнам интернет-дўконларининг бирида янги икки SIM-картали Samsung Galaxy Pocket 2 Duos ва Core 2 Duos смартфонлари ҳақида маълумот пайдо бўлди. Иккала қурилма ҳам Android 4.4 KitKat ОТида ишлайди. Бу ҳақда Mail.ru хабар берди.
Samsung Galaxy Pocket 2 Duos 2012 йилда ишлаб чиқарилган, компаниянинг энг кичик ва энг ҳамёнбоп Galaxy Pocket ва 2013 йилда ишлаб чиқарилган Pocket Plus/Neo смартфонларининг давомчиси ҳисобланади. Ушбу смартфоннинг хусусиятлари жудаям оддий, у 3,2 дюмли 480×320 пикселли TFT-дисплей, 3G (HSDPA), 512 Мб тезкор, 4 Гб ички хотира, 2 мегапикселли асосий камерага эга.
Samsung Galaxy Pocket 2 Duos’нинг аккумулятор сиғими — 1200 мА/с. Смартфон ўлчамлари 109,7×60,6×11,7 мм, оғирлиги 110 граммга тенг.
Samsung Galaxy Core 2 Duos замонавийроқ қурилмадир. У 4,5 дюмли 800×480 пикселли дисплей, тўрт ядроли процессор, 768 Мб тезкор ва 4 Гб ички хотирага эга. Смартфонда 3G тармоғида юкланишнинг максимал тезлиги сониясига 21 мегабитга тенг.
Янги смартфоннинг 5 мегапикселли камераси автофокус ва ёритқич билан таъминланган. Қурилма, шунингдек 0,3 мегапикселли олд камера, 2000 мА/с сиғимли аккумуляторга эга. Смартфоннинг ўлчамлари 130,2×67,9×9,8 мм, оғирлиги 138 граммни ташкил этади.
Янги Samsung смартфонларининг нархи ва савдога чиқарилиш вақти ҳақида ҳеч қандай маълумот берилмаган.
Изоҳ (0)