Бугун,

  • USD 11095.31
  • RUB 173.84
  • EUR 10772.44

31 май, шанба куни Тошкент ахборот технологиялари университети катта залида «Узнет уммони» конференцияси бўлиб ўтади. Конференция «Мулоқот» сайтлар тармоғи ва ТАТУ ҳамкорлигида ташкил этилган бўлиб, унда узнет, унинг келажаги ва ундаги муаммолар муҳокама этилади. Тадбирда иштирок этиш учун конференция сайтида рўйхатдан ўтиш зарур.

«Узнет уммони» конференцияси маърузачилари

«Узнет уммони» конференцияси маърузачилари

«‘Узнет уммони’ узнет ва узнетдаги стартапларга бағишланган мини-конференция бўлиб, унда сайт, компания ва ғоялар эгалари ўз фикрлари билан бўлишадилар. Маърузалар диалог кўринишида бўлиб, улар ҳам маърузачилар, ҳам тингловчиларга фойдали бўлишини мақсад қилганмиз», — дейилади тадбир сайтида. Конференцияда узнетда ўз ўрнини топа олган сайт эгаларидан ташқари янги очилган компаниялар вакиллари маъруза қилади:

  1. Ўзбек онлайн-журналистикасининг аҳволи. Муҳрим Аъзамхўжаев, Kun.uz раҳбари;
  2. АКТ маҳсулотларини ўзбекчалаштириш: муаммо ва таклифлар. Ҳамза Фозилжонов, Redpoll компанияси раҳбари;
  3. Узблоггерлар чемпионати ҳақида. Хушнудбек Худайбердиев, ҳуқуқшунос, блоггер;
  4. Узнетда контент яратиш муаммолари. Гулрухсора Худайбердиева, журналист, блоггер;
  5. Ўзбекистонда АКТ-компаниялар аҳволи, муаммолари ва келажаги. Акмал Пайзиев, MaxTrack, CityTaxi;
  6. Ўзбекча SMM: ҳозирги ҳолат ва келажакдаги истиқболлари. Тўлқин Юсупов, Technecy компанияси раҳбари.
Ҳар бир маъруза 15 дақиқа давом этиб, яна 15 дақиқа мавзу юзасидан савол-жавобга ажратилган. «Биз ушбу конференцияни мунтазам равишда ўтказиб бориш ниятидамиз», — дейди «Узнет уммони» ташкилотчиси бўлмиш «Мулоқот» сайтлар тармоғи раҳбари Фарҳод Файзуллаев.

Сиз АКТ соҳасига қизиқасизми? Узнетдаги муаммоларни ечишга ўз ҳиссангизни қўшмоқчимисиз? Ўзбекистонда ўз компаниянгизни очиб, муваффақиятли бўлишни истайсизми? У ҳолда конференция сайтида рўйхатдан ўтинг ва тингловчи сифатида иштирок этинг.

Изоҳ
Асосий янгиликлар
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади