Apple компанияси iPhone смартфонини масофадан туриб қўлланиладиган пульт сифатида ишлатиш учун дастурий платформа ишлаб чиқмоқда, дея хабар берди Gazeta.ru.
Таъкидланишича, ушбу дастур ёрдамида ёритиш ва хавфсизлик тизимлари каби уй қурилмаларини бошқариш мумкин бўлади.
2 июнь куни Сан-Францискода бўлиб ўтадиган Worldwide Developer Conference анжуманида Apple компанияси Google ва Samsung билан «ақлли» уй учун технологиялар соҳасида рақобатлашмоқчи.
Нашрнинг эслатишича, январь ойида Google «ақлли» термостат ишлаб чиқувчи Nest Labs компаниясини сотиб олган, Samsung эса яқинда Smart Home «ақлли» маиший техника линейкасини тақдим этган эди.
Изоҳ (0)