«Соғлом бола йили» Давлат дастури ижроси доирасида Самарқанд вилояти туман ва шаҳарларида намунавий мактабгача таълим муассасалари фаолияти йўлга қўйилмоқда. Оқдарё туманидаги «Лола» 6-мактабгача таълим муассасаси ана шундай замонавий маскан сифатида фойдаланишга топширилди, деб хабар беради ЎзА.
100 ўринли боғчанинг янги биносида тарбияланувчилар учун барча шароит яратилган. Ошхона, ётоқхона, тадбирлар ўтказиш зали ва машғулот майдончалари замонавий тарзда жиҳозланган.
– Муассасамиз замонавий бинода фаолият кўрсата бошлади, – дейди муассаса мудираси Робия Юсупова. – Бундан ота-оналар ҳам, тарбиячилар ҳам хурсанд. Айниқса, тарбияланувчиларимизнинг қувончи чексиз. Эндиги вазифамиз таълим-тарбия жараёнини юқори даражага кўтаришдир. Шундан келиб чиқиб, инглиз тили, бадиий гимнастика, каратэ, рақс тўгараклари ташкил этдик.
2014 йилда вилоятнинг барча туман ва шаҳарларида шу каби намунавий боғчалар ташкил этилиши режалаштирилган.
Изоҳ (0)