Шимолий Кореянинг ҳарбий кемаси Жанубий Кореянинг патрул кемаси томон камида битта снаряд отди. Бунга жавобан, Жанубий Корея бир неча қуролдан бараварига ўт очиш билан жавоб берди. Бу ҳақда «Кун» маълум қилди.
Ҳодиса Сариқ денгиздаги Ёнпхёндо ороли томондаги денгиз чегараси яқинида содир бўлган, дея хабар бермоқда Reuters ахборот агентлиги.
Ёнпхёндо ороли Жанубий Корея назорати остида ҳисобланади. Бироқ КХДР раҳбарияти ҳам ушбу оролга ўзини даъвогар деб билади. Орол аҳолиси бунгача ҳам бир неча бор Сеул ва Пхенян ўртасидаги низолар сабаб қурол билан нишонга олинган.
Хусусан, 2010 йили Ёнпхёндо ороли шимолликларнинг қўшинлари томонидан ўққа тутилган ва бунинг натижасида тўрт нафар маҳаллий аҳоли ҳалок бўлган эди.
Изоҳ (0)