KXDR va Janubiy Koreya kemalari bir-birini o‘qqa tutdi

Shimoliy Koreyaning harbiy kemasi Janubiy Koreyaning patrul kemasi tomon kamida bitta snaryad otdi. Bunga javoban, Janubiy Koreya bir necha quroldan baravariga o‘t ochish bilan javob berdi. Bu haqda “Kun” ma’lum qildi.

Hodisa Sariq dengizdagi Yonpxyondo oroli tomondagi dengiz chegarasi yaqinida sodir bo‘lgan, deya xabar bermoqda Reuters axborot agentligi.

Yonpxyondo oroli Janubiy Koreya nazorati ostida hisoblanadi. Biroq KXDR rahbariyati ham ushbu orolga o‘zini da’vogar deb biladi. Orol aholisi bungacha ham bir necha bor Seul va Pxenyan o‘rtasidagi nizolar sabab qurol bilan nishonga olingan.

Xususan, 2010-yili Yonpxyondo oroli shimolliklarning qo‘shinlari tomonidan o‘qqa tutilgan va buning natijasida to‘rt nafar mahalliy aholi halok bo‘lgan edi.