Бугун,

  • USD 11095.31
  • RUB 173.84
  • EUR 10772.44

Тошкентдаги «Ўзэкспомарказ»да бўлиб ўтаётган коммунал, транспорт, капитал қурилиш соҳалари ва қурилиш индустрияси корхоналарининг тармоқ саноат ярмарка ва кооперация биржасида ишлаб чиқаришни модернизация қилиш, маҳаллийлаштириш ва кооперация алоқаларини кенгайтириш жараёнлари намойиш этилмоқда, деб хабар беради ЎзА.

«Ўзэкспомарказ»даги саноат ярмаркаси ва кооперация биржасида. Фото: ЎзА

«Ўзэкспомарказ»даги саноат ярмаркаси ва кооперация биржасида. Фото: ЎзА

Саноат ярмаркаси ва кооперация биржаси экспозицияси мажмуанинг 170 дан ортиқ етакчи корхонаси, кичик бизнес ва хусусий тадбиркорлик вакилларининг маҳсулот ва хизматларидан иборат. Улар орасида «Ўзбекистон ҳаво йўллари» миллий авиакомпанияси, «Ўзбекистон темир йўллари» давлат акциядорлик компанияси, «Ўзавтойўл» давлат акциядорлик компанияси, «Ўзмонтажмахсусқурилиш» уюшмаси, «Тошшаҳартрансхизмат» акциядорлик компанияси, «Ўзқурилишматериаллари» акциядорлик компанияси, «Ўзкоммунхизмат» агентлиги корхоналари, бошқа компаниялар, шунингдек, кўплаб кичик бизнес ва хусусий тадбиркорлик субъектлари бор. Уларнинг стендларида ишлаб чиқарилаётган экспортбоп товарлар, шунингдек, истиқболда маҳаллийлаштириш ва кооперация алоқаларини кенгайтириш асосида ишлаб чиқариладиган маҳсулотлар билан танишиш мумкин.

«Ўзэкспомарказ»даги саноат ярмаркаси ва кооперация биржасида. Фото: ЎзА

«Ўзэкспомарказ»даги саноат ярмаркаси ва кооперация биржасида. Фото: ЎзА

«Ўзкоммунхизмат» агентлиги хорижий шериклар билан ҳамкорликда оқова сувларни тозалаш ва насос ёрдамида тортиб чиқаришнинг янги технологиясини тақдим этмоқда. Ярмаркада таклиф этилаётган сув филтрлари – қум, нефт ва ёғ тутқичлар, биологик тозалаш тизимлари соатига 6 минг литргача оқова сувни самарали тозалаш имконини беради. Шунингдек, оқова сувни тортиб чиқариш учун модернизация қилинган канализация насос станциялари ҳам таклиф қилинмоқда. Энг муҳими, ушбу технологиялар қишлоқ жойларда, жумладан, Тошкент вилоятида намунали лойиҳалар асосида уй-жойлар қурилишида муваффақиятли қўлланилмоқда.

«Ўзэкспомарказ»даги саноат ярмаркаси ва кооперация биржасида. Фото: ЎзА

«Ўзэкспомарказ»даги саноат ярмаркаси ва кооперация биржасида. Фото: ЎзА

Мамлакатда 130 дан ортиқ бўлимларига эга бўлган «Ўзмонтажмахсусқурилиш» уюшмаси ушбу саноат ярмаркасида ҳар йили фаол иштирок этиб келмоқда. 2013 йил якунларига кўра, уюшма томонидан қиймати 76,9 миллиард сўмлик қурилиш-монтаж ишлари амалга оширилди, 385 миллиард сўмлик саноат маҳсулотлари ва 478 миллиард сўмдан зиёд маҳаллийлаштирилган маҳсулотлар ишлаб чиқарилди. Ишлаб чиқаришни модернизация қилиш ва маҳаллийлаштириш, техник ва технологик қайта жиҳозлаш дастурларининг амалга оширилишини жадаллаштириш, халқаро сифат стандартларига ўтиш эвазига шундай натижаларга эришилди.

«Ўзэкспомарказ»даги саноат ярмаркаси ва кооперация биржасида. Фото: ЎзА

«Ўзэкспомарказ»даги саноат ярмаркаси ва кооперация биржасида. Фото: ЎзА

Транспорт тармоғи, жумладан, «Ўзбекистон ҳаво йўллари» миллий авиакомпаниясининг улкан стендлари ярмарка иштирокчилари ва меҳмонлар эътиборини тортмоқда. Бугунги кунда «Ўзбекистон ҳаво йўллари» Осиё, Америка ва Европанинг 40 дан ортиқ шаҳарларига парвозларни амалга оширмоқда. Биргина 2013 йилда авиакомпания томонидан 24,5 мингдан зиёд рейс амалга оширилиб, 2,6 миллион нафардан ортиқ йўловчи ва 41 минг тонна юк ташилди.

Унинг «САР» махсус ишлар шўба авиакомпанияси қишлоқ хўжалиги ва транспорт соҳаларида ўз хизматини таклиф қилмоқда. Кичик ҳажмдаги самолётлар, шунингдек, вертолётларнинг катта паркига эга бўлган ушбу муассаса қишлоқ хўжалиги зараркунандаларига авиация ёрдамида қарши курашиш, ҳаводан суратга олиш ишлари билан шуғулланмоқда, наркожиноятчиликка қарши кураш, баланд тоғларда қор қопламларини кузатиш, метеостанциялар ходимлари хавфсизлигини таъминлашга жалб этилмоқда, шунингдек, тоғ чанғиси билан шуғулланадиган сайёҳларга хизмат кўрсатмоқда. Uzbekistan airways technics авиатаъмирлаш корхонаси замонавий самолётларга техник хизмат кўрсатиш ва таъмирлаш бўйича кенг кўламли хизматларни тақдим этмоқда.

«Ўзэкспомарказ»даги саноат ярмаркаси ва кооперация биржасида. Фото: ЎзА

«Ўзэкспомарказ»даги саноат ярмаркаси ва кооперация биржасида. Фото: ЎзА

Коммунал, транспорт, капитал қурилиш соҳалари ва қурилиш индустрияси корхоналарининг тармоқ саноат ярмарка ва кооперация биржаси 22 майга қадар давом этади.

Изоҳ
Асосий янгиликлар
Маҳаллий
Саудиялик тадбиркор Ўзбекистонда автомашина эҳтиёт қисмлари ишлаб чиқаришга сармоя киритади 
Маҳаллий
1000 доллар ойлик олаётган ўқитувчилар, 1 млн нафардан ошган талабалар, янги қурилган 27 та ТТЖ — олий таълим вазири ўринбосари Комилжон Каримов билан эксклюзив су...
Маҳаллий
Тошкентда 3 та машина иштирокида ЙТҲ содир бўлди