Россиянинг Ғарбий Урал машинасозлик концерни (ҒУМК) президенти Александр Поздеев Ўзбекистонда ҳибсга олинди. Бу ҳақда «РИА Новости» тарқатган хабарга асосланиб, Gazeta.uz маълум қилди.
Жиноят иши ҒУМК томонидан амалга оширилган шартномалар нархини оширганлик бўйича қўзғатилган. Айни пайтда ҒУМК Ўзбекистонда умумий қиймати 200 миллион долларга тенг лойиҳаларни амалга оширмоқда.
Поздеев калий заводи бўйича жиноий иш юзасидан Ўзбекистон Бош прокуратурасига терговга чақирилган, шундан сўнг ҳибсга олинган.
Россия Федерациясининг Ўзбекистондаги элчихонаси Ўзбекистон Ташқи ишлар вазирлиги билан ҒУМК президентини ҳибсга олиш бўйича масалар ечимида алоқада бўлиб турибди.
Бугун куннинг иккинчи ярмида маҳаллий суд томонидан Поздеевни ҳибсга олиш апелляцияси кўриб чиқилади.
2010 йил сентябрида ҒУМК Қашқадарё вилоятидаги Деҳқонобод калий ўғитлари заводи учун хомашё қазиб чиқариш мажмуасини қуриб берган. Унинг йиллик қуввати 1 миллион тонна рудага тенг бўлиб, лойиҳа қиймати 60 миллион долларни ташкил этган.
2015 йил бошигача компания ушбу завод учун узунлиги 30 километрли юк ташувчи дор йўлини қуриб битказишни режалаштирган эди.
Изоҳ (0)