Европа Иттифоқи Ўзбекистонда 2014—2020 йилларда амалга ошириладиган лойиҳалар учун 168 миллион еврогача маблағ ажратмоқчи. Бу ҳақда ЕИнинг Ўзбекистондаги ваколатхонаси хабарига таяниб, «Новый век» маълум қилди.
Маълум бўлишича, ЕИ 2007—2013 йилларда Ўзбекистондаги ривожланиш жараёнини қўллаб-қувватлашга 72 миллион евро тақдим этган.
Маблағларнинг катта қисми ирригация инфратузилмасини яхшилаш, шу соҳадаги сувни тежаш технологиялари, мамлакатда сув ресурсларини тақсимлашнинг янги шаклларини яратишга йўналтирилади.
Лойиҳаларнинг асосий параметрлари жорий йил ўрталарида тасдиқланиши, йил охиригача эса дастурларни кўриб чиқиш бошланиши керак.
Изоҳ (0)