АҚШнинг беш нафар хитойлик ҳарбий мансабдорларга йўналтирлган кибержосуслик айбловлари шунчаки тўқима, шу сабабли Хитой Халқ Республикаси интернет-ҳамкорлик бўйича Хитой-Америка ишчи гуруҳи фаолиятини тўхтатишга мажбур. Бу ҳақда 19 май куни ХХР ташқи ишлар вазири вакили эълон қилди, дея хабар берди «ИТАР-ТАСС».
«Бундай айбловлар халқаро ҳамкорлик меъёрларини жиддий равишда бузади ҳамда АҚШ ва Хитой ўртасидаги ўзаро ишончни йўқотади», — дейилади баёнотда. ХХР ташқи ишлар вазирлиги АҚШни ўз хатосини тан олиб, хитойлик офицерлар устидан жиноий қидирувни тўхтатишга чақирди.
АҚШ давлат департаменти расмий вакили Жен Псаки эса Хитойнинг ишчи гуруҳ фаолиятини тўхтатиш ҳақидаги қарорига ачиниш билдирди. «Хитой билан амалий ва самарали муносабатлар ўрнатишда давом этишга умид қилишга ҳаққимиз бор, деб ўйлаймиз», — деди у. Псаки сўзларига кўра, АҚШ «бошқа бундай фаолиятга йўл қўймаслик устида Хитой билан бирга ишлашга тайёр».
Изоҳ (0)