АҚШнинг Миссисипи штати Абердин шаҳар суди Эверетт Датчкени 25 йиллик қамоққа ҳукм қилди.
«ИТАР-ТАСС» хабар беришича, у АҚШ президенти Барак Обама, АҚШ конгресси сенати аъзоси Рожер Уикер ва Миссисипидаги судьялардан бири номига ичига ҳаёт учун хавфли рицин заҳари солинган хат жўнатганликда айбдор деб топилди.
19 май куни эълон қилинган суд ҳукмига кўра, қўшимча равишда унга қамоқдан чиққач, яна беш йил синов муддати тайинланди.
Изоҳ (0)