Бугун,

  • USD 11095.31
  • RUB 173.84
  • EUR 10772.44

Ўзбекистон Республикаси алоқа, ахборотлаштириш ва телекоммуникация технологиялари давлат қўмитаси Ўзбекистон ҳудудларида шошилинч ва тезкор хизматларнинг «0» билан бошланувчи рақамларини «10х»га, «0хх» рақамларини «10хх»га ўзгартириш бўйича режаларни тасдиқлади.

Фото: bdm-blog.com

Фото: bdm-blog.com

Алоқа қўмитаси матбуот хизматининг хабар беришича, бундан кўзланган мақсад шошилинч ва тезкор хизматлари телефон рақамларини тизимлаштириш, шаҳарлараро ва халқаро телефон тармоқларига чиқишда ишлатиладиган олд рақамларни халқаро стандартлар асосида уйғунлаштиришдан иборат.

Аҳоли мазкур масалалар юзасидан ўзгаришлар билан Қўмита ҳамда телекоммуникация операторлари веб-сайтларидан, шу билан биргаликда Ягона интерактив давлат хизматлари порталидан бохабар бўлиб боришлари мумкин бўлади.

Дастурга мувофиқ, жорий йил май ойининг иккинчи ярмидан бошлаб шошилинч ва тезкор хизматларнинг «0х» билан бошланадиган телефон рақамларини «10х» тизимига, «0хх» тизимидаги телефон рақамларини «10хх» тизимига ўтказиш бўйича ишлар амалга оширилиши режалаштирилган.

Шаҳарлараро ва халқаро телефон тармоқларига чиқишда ишлатиладиган олд рақамларни халқаро талаб даражаларига мослаштириш 2014 йилнинг октябр ойида амалга оширилади ва шундан сўнг юртдошларимиз шаҳарлараро қўнғироқларни «0» олд рақами, халқаро қўнғироқларни «00» олд рақамлари ёрдамида амалга оширишлари мумкин бўлади.

Шошилинч ва тезкор хизматлар телефон рақамлари тизимида бўлаётган ўзгаришлар мобайнида турли тушунмовчилик ва ноқулайликларнинг олдини олиш мақсадида мазкур телефон рақамларининг 3 ой давомида бир вақтнинг ўзида ҳар икала – янги ва эски тизимларда фаолият кўрсатиши таъминланади. Бу ҳақда аҳоли ўртасида тушунтириш ва тарғибот ишлари олиб борилиши белгиланган.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Дунё
Қозоғистонда икки яшар бола 11 та магнитни ютиб юборди (фото)