Халқ таълими вазирлиги, молия вазирлиги, маданият ва спорт ишлари вазирлиги ҳамда Матбуот ва ахборот агентлигининг биргаликдаги қарори билан Умумтаълим мактабларини дарсликлар ва ўқув-методик қўлланмалар билан таъминлаш тартиби тўғрисидаги низом тасдиқланди.
Янги низомга кўра, умумтаълим мактаблари қаторига давлатга тегишли умумий ўрта таълим мактаблари, мактаб-интернатлар ва ихтисослашган мактаблардан ташқари махсус мактаблар ва нодавлат умумтаълим мактаблари ҳам киритилди.
Низомда барча синфлар ўқувчилари ва ўқитувчиларини дарсликлар ва ўқув-методик қўлланмалар билан таъминлаш, чет тили дарсликларини бепул тарқатиш, умумтаълим мактабларининг кутубхона фондидан дарсликларни ижарага бериш кўзда тутилган.
Шунингдек, ҳужжатда белгиланишича, нодавлат умумтаълим мактаблари Молия вазирлиги қошидаги Республика китоб фонди воситалари ёрдамида ижара тўлови асосида ўзининг 2—9-синф ўқувчиларини таъминлаши мумкин.
Умумтаълим мактабларининг биринчи синф ўқувчилари учун дарсликлар ҳар йили, 2—4-синфлар учун икки йилда бир марта ва 5—9-синфлар учун тўрт йилда бир марта янгиланади.
Умумтаълим мактабларининг 2—4-синф ўқувчилари учун чет тиллари бўйича дарсликларнинг иш дафтарлари ҳар йили янгиланади.
Изоҳ (0)