Жанубий Корея соҳилларида кема ағдарилиб кетиши натижасида бир киши ҳалок бўлди

Бортида 450 нафар йўловчи ва экипаж аъзолари бўлган паром Корея Республикасининг жануби-ғарбий қирғоқларида ағдарилиб кетди. Йўловчиларнинг кўпчилиги — жами 320 нафари Чежудо курорт оролига саёҳат қилаётган мактаб ўқувчилари бўлган. Бу ҳақда «ИТАР-ТАСС» хабар берди.

Сўнгги маълумотларга кўра, қутқарувчилар қурбоннинг жасадини Жанубий Корея соҳилларидан топган.

Корея Республикаси президенти Пак Кин Хе ҳалокатга учраган кема йўловчи ва экипаж аъзоларини қутқариш учун бор куч ва воситаларни ишга солиш ҳақида буйруқ берди. Қутқарув операциясига соҳил қутқарув хизматининг катер ва вертолётлар экипажлари, ҲДК кемалари жалб этилади.

Йўловчиларнинг 338 нафарини қутқаришга эришилди. Кема бир томонга қараб оғиб қолган, бироқ ҳали чўкиб кетмаган.

Паром Сариқ денгиздаги Инчхон портини сешанба куни тарк этган ва бугун Чежудо оролидаги портга кириб бориши керак эди. 6825 тонналик сув сиғимига эга кема Тошкент вақти билан 04:58 да ҳалокат сигналини узатган. Айни пайтда у Пенпундо оролидан 20 км масофада турибди.