АҚШнинг Қора денгизга киритилган Дональд Кук эсминеци экипаж аъзоларининг 27 нафари ишдан бўшаш ҳақида ариза берди. Улар ҳаётларини хавф остига қўйишни хоҳламасликларини билдирди. Бу ҳақда Novorus.info хабар тарқатди.
14 апрель, душанба куни Пентагон АҚШ эсминеци устидан Россия бомбардимончи самолёти учиб ўтганидан шикоят қилган эди. Россиянинг Су-24 бомбардимончи самолёти 12 апрель куни Қора денгизга киритилган АҚШ ҲДКнинг «Дональд Кук» эсминецига бир неча марта жуда яқин масофада учиб ўтган.
«Россия ҳарбийларининг бундай ғаламисона ва нопрофессионал ҳаракатлари ўз низомларини, шунингдек, бизнинг қуролли кучлар билан ўзаро битимни ҳам бузади», — деди Уоррен.
Шу билан бирга, Пентагон матбуот котиби Россия Су-24’ида ҳеч қандай қурол аниқланмаганини таъкидлади.
Уорреннинг сўзларига кўра, кема экипажи аъзолари «бошларидан кечирган қаттиқ стрессдан сўнг ўзларига келиш учун» психолог билан ишламоқда.
Халқаро денгиз шартномаларига кўра, Америка кемалари Қора денгизда 14 суткадан узоқ қолиши мумкин эмас. Муддат ўтиб кетган тақдирда, Россия ракета ҳужумини уюштириб, АҚШга уруш эълон қилмасдан туриб, уларни йўқ қилиш ҳуқуқига эга бўлади. Бундан хабардор экипаж аъзолари табиий равишда ҳаётлари ҳақида ташвишланмоқда, деб ёзади нашр.
Изоҳ (0)