«Ҳозир Украинага БМТ раҳнамолигида тинчликпарвар кучларни киритиш мақсадга мувофиқ эмас, деб ҳисоблайман», — деди БМТ бош котиби Пан Ги Мун Мексиканинг Реформа газетасига берган интервьюсида. Бу ҳақда «ИТАР-ТАСС» хабар берди.
У Украинадаги танглик маҳаллийдан кўра кенгроқ доирани қамраб олувчи оқибатларга олиб келади, деб ҳисоблайди.
Аввалроқ Пан Ги Мун Олий рада томонидан тайинланган Украина президенти вазифасини бажарувчи Александр Турчинов билан телефон суҳбати давомида мамлакатга БМТ раҳбарлигида тинчликпарвар кучларни юбориш имкониятларини муҳокама қилгани ҳақида хабар тарқалган эди. Бироқ БМТ бош котиби расмий вакили Стефан Дюжаррик бу маълумотни тасдиқламади. У суҳбат чоғида Пан Ги Мун Украина жануби-шарқидаги қўзғолонлар, айниқса ҳар иккала томоннинг қурол ишлатаётганига нисбатан хавотир билдирганини таъкидлади.
Изоҳ (0)