Бугун, 2 апрел куни палата спикери Нурлан Нигматулин раислиги остида бўлиб ўтган йиғилишда Қозоғистон Парламенти Мажлиси томонидан «Қозоғистон Республикаси ва Ўзбекистон Республикаси ўртасидаги стратегик ҳамкорлик бўйича Битим ратификацияси ҳақида»ги қонун лойиҳаси ма’қулланди. Бу ҳақда Қозоғистон Парламенти Мажлисининг матбуот хизмати хабар берди.
Шартномага кўра, томонлар уларнинг мустақиллиги, суверенитети, ҳудудий яхлитлигига бўлган хавфларни бартараф этишда ўзаро ёрдам кўрсатади, дея қайд этди Қозоғистон Мажлисининг Халқаро ишлар, мудофаа ва хавфсизлик бўйича қўмитаси раиси Маулен Ашимбаев ялпи мажлисда.
Ушбу ҳужжат Қозоғистон Республикаси Президенти Нурсултон Назарбоевнинг Ўзбекистон Республикасига 2013-йил 13—14 июн кунлари расмий ташрифи давомида Тошкент шаҳрида имзоланган эди.