«Ўзбектелеком» аксиядорлик компанияси телефон тармоғига уланиш тўловини олишни бекор қилиш йўли билан жисмоний шахсларни жалб этиш бўйича аксияни давом эттиради. Аксия 30 сентябрьгача давом эттирилади.
Аксия амал қилиши даврида «Универсал телекоммуникация хизматларида тарифларнинг энг сўнгги даражалари» 125-1/1 сонли прейскуранти 3-бўлими 1 ва 5-моддалари, шунингдек, «Умумий фойдаланишдаги телекоммуникация тармоғида телефон алоқаси хизматларини кўрсатиш қоидалари» 78-моддасига мувофиқ аҳоли учун симли абонентлик линияси бўйича телефон тармоғига уланиш хизматини тақдим этиш тўловсиз амалга оширилади.
Шу тариқа, телефонлаштирилган ва телефонлаштирилмаган биноларга симли абонентлик линияси бўйича телефон тармоғига уланишда асосий телефон аппарати (оператор томонидан бир рақамни бир фойдаланувчига ажратиш) аксия ўтказилиши даврида бепул тақдим этилади.
Аксия телефон тармоғига уланишнинг тақдим этилиши билан боғлиқ бошқа хизматларга жорий этилмайди.
Батафсил маълумотларни телекоммуникация тармоқлари боғламалари абонентлик бўлимидан олиш мумкин.
Изоҳ (0)