O‘zbekistonda 2025-yilning 6 oyida 34,7 ming nafar shaxs sog‘lomlashtirildi. Bu haqda Ijtimoiy himoya milliy agentligi xabar berdi.
Keltirilishicha, agentlik tizimidagi 11 ta sanatoriyda 2025-yilning yanvar—iyun oylarida jami 34,7 ming nafar fuqaro sog‘lomlashtirildi. Bu o‘tgan yilning mos davridagi ko‘rsatkichga nisbatan 125,7 foizga ko‘pdir (2024-yilda 27,6 ming nafar).
27,7 ming nafar fuqaro yo‘llanma asosida, yana 7 ming nafari esa pulli asosda sanatoriy xizmatlaridan foydalangan. Yo‘llanma asosida sog‘lomlashtirilganlar soni 2024-yilga nisbatan 138,3 foizga oshgan.
Sog‘lomlashtirilgan fuqarolar tarkibiga asosan esa ularning 17,3 ming nafari (62,6 foiz) I va II guruh nogironligi bo‘lgan shaxslar, 9,1 ming nafari (33,1 foiz) yoshga doir pensiya oluvchilar, 642 nafari (2,3 foiz) yolg‘iz keksa va o‘zgalar parvarishiga muhtoj shaxslar, 561 nafari (2 foiz) boshqa toifadagi fuqarolarni tashkil etdi.
Solishtirma tahlilga ko‘ra, 2024-yilda sanatoriylarda sog‘lomlashtirilgan yolg‘iz keksa va parvarishga muhtoj shaxslar soni 520 nafar bo‘lgan bo‘lsa, joriy yilda ushbu ko‘rsatkich 642 nafarga yetdi. Natijada 1,2 barobar o‘sish qayd etildi.
I va II guruh nogironligi bo‘lgan shaxslar soni ham keskin ortib, 2024-yildagi 4 560 nafardan 2025-yilda 17 319 nafarga yetdi. Bu 3,8 barobar oshganini ko‘rsatadi.
O‘zbekiston ruhiy salomatlik va farovonlik bo‘yicha reytingda 83 ta davlat ichida 74-o‘rinni egallagan edi.
Markaziy Osiyo davlatlari orasida ruhiy holat umumiy hisobda og‘irligicha qolmoqda. Shunga qaramay, O‘zbekiston mintaqa davlatlari ichida eng yaxshi natijani qayd etgan. Qo‘shni davlatlar reytingda quyidagi o‘rinlarni egallagan:
- Qozog‘iston – 76-o‘rin;
- Qirg‘iziston – 79-o‘rin;
- Tojikiston – 80-o‘rin.
Dunyo bo‘yicha o‘rtacha ruhiy holat indeksi 63 ballni tashkil qilmoqda. Bu insonlar oyda taxminan 21 kun davomida o‘zini barqaror va faol his qilishini anglatadi. Ammo Markaziy Osiyo davlatlari bu ko‘rsatkichdan ancha ortda qolmoqda. O‘zbekiston 54,5 ballni, Qirg‘iziston va Tojikiston 51,2 ballni qo‘lga kiritgan. Qozog‘iston esa (52,3 ball) Braziliya, Janubiy Afrika respublikasi va hattoki Afg‘oniston bilan deyarli bir darajada.
Izoh (0)