Surxondaryo viloyati, Sariosiyo tumani, “Xonjiza” mahallasi hududidan o‘tuvchi 4R-107 avtomobil yo‘lining 30-kilometrida 1-avgust kuni soat 15:00 larda YTH sodir bo‘ldi. Bu haqda Surxondaryo viloyati IIB JXX YHXB axborot xizmati xabar berdi.
Maʼlum qilinishicha, 2003-yilda tug‘ilgan haydovchi “UAZ” avtomobilida harakatlanayotib, o‘zi bilan bir yo‘nalishda oldinda harakatlanib ketayotgan, 1979-yilda tug‘ilgan haydovchi boshqaruvidagi “UAZ” avtomashinasini quvib o‘tayotgan vaqtda avtomobilning o‘ng tomoni to‘qnashgan.
Natijada haydovchi rul boshqaruvini yo‘qotib, transport vositasi yo‘ldan chiqib, ag‘darilgan.
Hodisa oqibatida ag‘darilgan “UAZ” avtomashinasining salonida bo‘lgan 6 nafar yo‘lovchiga birinchi tez tibbiy yordam ko‘rsatilib, uy sharoitida davolanishga ruxsat berilgan.
Mazkur holat yuzasidan to‘plangan hujjatlar ko‘rib chiqish uchun jinoyat ishlari bo‘yicha sudga yuborilmoqda.
Izoh (0)