Rossiya Armanistondagi harbiy ishtirokini kengaytirmoqda va Gumri shahridagi harbiy bazasini to‘ldirishni tezlashtirmoqda. Bu haqda Ozarbayjon razvedkasi xabar berdi.
Razvedka ma‘lumotlariga ko‘ra, bu orqali Janubiy Kavkaz davlatlariga harbiy-siyosiy bosimni kuchaytirish maqsad qilingan. Baza uchun shaxsiy tarkib Rossiyaning Rostov va Volgograd viloyatlari, shuningdek, vaqtincha bosib olingan Qrimdan harbiy xizmatchilar orasidan to‘planadi.
“Rossiya qo‘shinlarining Armanistonga joylashtirilishi Kremlning global xavfsizlik tizimini beqarorlashtirishga qaratilgan. Millatlararo nizo keltirib chiqarish bilan bir qatorda, Moskva Kavkazda harbiy ishtirokini kuchaytirmoqda. Ozarbayjon va Rossiya o‘rtasidagi munosabatlarning keskinlashuvi oldindan rejalashtirilgan bo‘lishi mumkin”, dedi Ukraina razvedkasi vakili vakili Andrey Yusov.
Ozarbayjon 30-iyun kuni “Sputnik Ozarbayjon” agentligida yashirincha ishlagan Rossiya federal xavfsizlik xizmatining ikki xodimi qo‘lga olinganini e’lon qilgan. Keyinroq ular agentlikning ijrochi direktori Igor Kartavix va bosh muharrir Yevgeniy Belousov ekani ma’lum bo‘lgan.
Ushbu hodisa Rossiya Federatsiyasi bilan yuzaga kelgan mojaro fonida sodir bo‘lgan. Yunis Pashayevning o‘ldirilishi bo‘yicha ochilmagan jinoiy ish doirasida Yekaterinburgda ozarbayjonlik 50 dan ortiq kishi hibsga olingandi.
Izoh (0)