Rossiya va Armaniston birlashgan qo‘shin guruhi to‘g‘risidagi kelishuvning imzolanishi Rossiya harbiylariga Armaniston daxlsizligi himoyasida ishtirok etish imkonini beradi. Bu haqda mamlakat mudofaa vaziri Vigen Sarkisyan bayonot berdi, deb xabar qiladi “RBK”.
“Armanistonga qarshi hamla bo‘lsa, Gumrida joylashgan Rossiya harbiy bazasi ham mudofaa ishiga jalb etiladi, buning uchun esa huquqiy asos darkor. Ushbu holatda xalqaro kelishuv huquqiy asos vazifasini bajaradi”, — dedi Sarkisyan.
Kelishuvga binoan, birlashgan guruh qo‘mondonini Rossiya bilan kelishgan holda Armaniston tayinlaydi.