Janubiy Koreya hukumati 31-iyul kuni o‘z fuqarolariga shimoliy koreyaliklar bilan ruxsatsiz bemalol muloqot qilish imkonini taqdim etdi. Buning uchun aholi hukumatni oldindan xabardor qilishi kerak bo‘ladi. Bu haqda Yonhap agentligi xabar berdi.
Mamlakat birlashish vaziri Chung Dong Yongning aytishicha, Shimoliy Koreya fuqarolari bilan aloqani taqiqlovchi deklaratsiya 30-iyul kuni bekor qilingan. Shu paytgacha fuqarolar shimolliklar bilan aloqalar qilishda qiyinchiliklarda duch kelib, so‘nggi yillarda ikki koreyaliklar o‘rtasidagi muloqotlar deyarli to‘xtab qolgandi.
Oldindan bo‘lajak aloqalarni hukumatga bildirish talabi ikki davlat o‘rtasidagi keskin munosabatlar bilan bog‘lanmoqda. Qo‘shni davlatlar o‘rtasida 1950—1953-yillarda Koreya urushi sodir bo‘lib, u sulh bilan yakunlanganiga qaramay, mamlakatlar hali hanuz ziddiyatda.
“Aholiga shimolliklar bilan shaxsiy aloqalar o‘rnatishga ruxsat berildi. Xalqaro erkin muloqot o‘zaro tushunishga, bu esa birgalikda tinch yashashga olib keladi”, dedi vazir Chung.
Izoh (0)