Archer Aviation kompaniyasi o‘zining aerotaksilarini dastlabki sinovdan o‘tkazishni boshladi. Sinovlar Abu Dabi osmonidagi Al-Batin aeroportida o‘tkazilmoqda. Bu haqda tashkilotning ijtimoiy tarmoqlarida ma’lum qilindi.
Agar aeromashinalar mintaqaning murakkab sharoitlariga — yuqori namlik, harorat va qumli changga bardoshliligini isbotlasa, kompaniya BAAda sertifikatlashtirish jarayonining keyingi bosqichiga o‘tishi mumkin.
Hozirda to‘rt yo‘lovchi va uchuvchini tashishga mo‘ljallangan Midnight modeli sinovdan o‘tkazilmoqda. U shahar atrofi yo‘nalishlariga mo‘ljallangan. Kompaniya bashoratlariga ko‘ra, bu yo‘lovchilarga harakatlanishda anchagina vaqtni tejash imkonini beradi.
Abu Dabi Media Office xabar berganidek, BAA hukumatining uchuvchi taksilar sohasidagi hamkori bo‘lgan AQSHning Joby Aviation kompaniyasi aerotaksilarini sinovdan o‘tkazish ham boshlandi.
Ilgari Dubay hukumati 2026-yilgacha aerotaksilarni ishga tushirishni va’da qilgan edi. Taxminlarga ko‘ra, yangi transport xizmatlari narxi oddiy taksiga nisbatan kamida 30 foiz yuqori bo‘ladi.
Izoh (0)