Archer Aviation компанияси ўзининг аэротаксиларини дастлабки синовдан ўтказишни бошлади. Синовлар Абу Даби осмонидаги Ал-Батин аэропортида ўтказилмоқда. Бу ҳақда ташкилотнинг ижтимоий тармоқларида маълум қилинди.
Агар аэромашиналар минтақанинг мураккаб шароитларига — юқори намлик, ҳарорат ва қумли чангга бардошлилигини исботласа, компания БААда сертификатлаштириш жараёнининг кейинги босқичига ўтиши мумкин.
Ҳозирда тўрт йўловчи ва учувчини ташишга мўлжалланган Midnight модели синовдан ўтказилмоқда. У шаҳар атрофи йўналишларига мўлжалланган. Компания башоратларига кўра, бу йўловчиларга ҳаракатланишда анчагина вақтни тежаш имконини беради.
Abu Dabi Media Office хабар берганидек, БАА ҳукуматининг учувчи таксилар соҳасидаги ҳамкори бўлган АҚШнинг Joby Aviation компанияси аэротаксиларини синовдан ўтказиш ҳам бошланди.
Илгари Дубай ҳукумати 2026 йилгача аэротаксиларни ишга туширишни ваъда қилган эди. Тахминларга кўра, янги транспорт хизматлари нархи оддий таксига нисбатан камида 30 фоиз юқори бўлади.
Изоҳ (0)