O‘zbekiston Superligasida 1-iyuldan boshlab yozgi transfer oynasi rasman ochildi. Jizzaxning “So‘g‘diyona” klubi 4-iyul kuni ikki nafar futbolchi — Jasur Jaloliddinov va Sardor Rahmonov bilan shartnoma imzolaganini ma’lum qildi.
Klub matbuot xizmatining xabariga ko‘ra, har ikki futbolchi bilan 2026-yil oxirigacha mo‘ljallangan shartnoma tuzilgan.
Ma’lumot uchun, Jasur Jaloliddinov avval Ozarbayjonning “Sumgait” jamoasida to‘p surgan. 25-iyun kuni klub futbolchi bilan xayrlashganini rasman e’lon qilgan. Shundan so‘ng u erkin agent maqomida “So‘g‘diyona” safiga qo‘shildi. O‘tgan mavsumda Jaloliddinov “Sumgait” safida 18 ta uchrashuvda ishtirok etgan.
Sardor Rahmonov esa “OKMK”dan jizzaxliklar safiga o‘tdi. Joriy mavsumda u “OKMK” tarkibida 8 ta o‘yinda maydonga tushgan.
Eslatib o‘tamiz, O‘zbekiston Superligasida yozgi transfer oynasi 1-iyuldan 30-iyuga qadar davom etadi.
Izoh (0)