Avstraliya va Buyuk Britaniya “Aukus suv osti pakti”ni mustahkamlash maqsadida 50 yillik mudofaa shartnomasi imzolashini ma’lum qildi. Bu haqda The Guardian xabar berdi.
Mudofaa bitimi, shanba, 26-iyul kuni imzolanishi rejalashtirilgan. Aukus paktining asosiy hamkori AQSH esa bu kelishuvdan bosh tortmoqda.
- Hind-Tinch okeani mintaqasida xavfsizlikni mustahkamlash;
- Avstraliyani yadro dvigatelli suvosti kemalari bilan ta’minlash;
- kiberxavfsizlik, sun’iy intellekt, kvant va boshqa ilg‘or mudofaa texnologiyalari bo‘yicha hamkorlik qilish.
Pakt ko‘plab ekspertlar tomonidan Xitoyning mintaqadagi harbiy ta’siriga qarshi chora sifatida baholanadi.
Yangi imzolanayotgan hujjat Avstraliya tomonidan tashqi ishlar vaziri Penni Vong va mudofaa vaziri Richard Marls tomonidan rasmiylashtiriladi. Britaniya tomonidan esa tashqi ishlar va mudofaa vazirlari Devid Lemm va Jon Xiliga hujjat imzolash vazifasi yuklatiladi.
Amaldagi Aukus pakti doirasida Avstraliya Aukus sinfidagi suv osti kemalarini quvvatlantirish, yadroviy reaktorlarni loyihalash va ishlab chiqarishda Britaniya sanoatini qo‘llab-quvvatlash uchun mamlakatga taxminan 4,6 milliard dollar sarmoya kiritadi. Yana xuddi shuncha miqdordagi mablag‘ AQSH kemasozlik sanoati uchun ham ajratiladi.
368 milliard dollarga baholanayotgan bitim doirasida Avstraliya 2030-yillarning boshida AQSHdan Virginia toifasidagi 3 ta yadroviy suv osti kemasini sotib oladi. Shuningdek, Buyuk Britaniyada Aukus sinfidagi yangi atom suv osti kemalari quriladi. Bu Avstraliya ega bo‘ladigan birinchi Aukus qayiqlari bo‘lib, u 2040-yillarning boshlarida suvga tushiriladi.
“Buyuk Britaniya—Avstraliya munosabatlari boshqalarga o‘xshamaydi. Tobora o‘zgaruvchan va xavfli dunyomizda bizning mustahkam do‘stligimiz global tinchlik va farovonlikni himoya qilishga hissa qo‘shadi”, Devid Lemmi.
Mudofaa vaziri Jon Xilining aytishicha, shartnoma Buyuk Britaniya va Avstraliyada o‘n minglab ish o‘rinlari yaratilishiga turtki bo‘ladi.
“Bu dengiz flotlarimiz tarixidagi eng kuchli va eng ilg‘or hujumchi suv osti kemalarini qurish shartnomasidir. Bu NATOni, shuningdek, Hind-Tinch okeanidagi xavfsizlikni mustahkamlovchi bitim. U ajdodlarimiz va kelajakdagi avlodlarimizning xavfsizligini ta’minlaydi”, dedi Xili.
Izoh (0)