Австралия ва Буюк Британия “Аукус сув ости пакти”ни мустаҳкамлаш мақсадида 50 йиллик мудофаа шартномаси имзолашини маълум қилди. Бу ҳақда The Guardian хабар берди.
Мудофаа битими, шанба, 26 июль куни имзоланиши режалаштирилган. Аукус пактининг асосий ҳамкори АҚШ эса бу келишувдан бош тортмоқда.
- Ҳинд-Тинч океани минтақасида хавфсизликни мустаҳкамлаш;
- Австралияни ядро двигателли сувости кемалари билан таъминлаш;
- киберхавфсизлик, сунъий интеллект, квант ва бошқа илғор мудофаа технологиялари бўйича ҳамкорлик қилиш.
Пакт кўплаб экспертлар томонидан Хитойнинг минтақадаги ҳарбий таъсирига қарши чора сифатида баҳоланади.
Янги имзоланаётган ҳужжат Австралия томонидан ташқи ишлар вазири Пенни Вонг ва мудофаа вазири Ричард Марлс томонидан расмийлаштирилади. Британия томонидан эса ташқи ишлар ва мудофаа вазирлари Девид Лемм ва Жон Хилига ҳужжат имзолаш вазифаси юклатилади.
Амалдаги Аукус пакти доирасида Австралия Аукус синфидаги сув ости кемаларини қувватлантириш, ядровий реакторларни лойиҳалаш ва ишлаб чиқаришда Британия саноатини қўллаб-қувватлаш учун мамлакатга тахминан 4,6 миллиард доллар сармоя киритади. Яна худди шунча миқдордаги маблағ АҚШ кемасозлик саноати учун ҳам ажратилади.
368 миллиард долларга баҳоланаётган битим доирасида Австралия 2030 йилларнинг бошида АҚШдан Virginia тоифасидаги 3 та ядровий сув ости кемасини сотиб олади. Шунингдек, Буюк Британияда Аукус синфидаги янги атом сув ости кемалари қурилади. Бу Австралия эга бўладиган биринчи Аукус қайиқлари бўлиб, у 2040 йилларнинг бошларида сувга туширилади.
“Буюк Британия—Австралия муносабатлари бошқаларга ўхшамайди. Тобора ўзгарувчан ва хавфли дунёмизда бизнинг мустаҳкам дўстлигимиз глобал тинчлик ва фаровонликни ҳимоя қилишга ҳисса қўшади”, Девид Лемми.
Мудофаа вазири Жон Хилининг айтишича, шартнома Буюк Британия ва Австралияда ўн минглаб иш ўринлари яратилишига туртки бўлади.
“Бу денгиз флотларимиз тарихидаги энг кучли ва энг илғор ҳужумчи сув ости кемаларини қуриш шартномасидир. Бу НАТОни, шунингдек, Ҳинд-Тинч океанидаги хавфсизликни мустаҳкамловчи битим. У аждодларимиз ва келажакдаги авлодларимизнинг хавфсизлигини таъминлайди”, деди Хили.
Изоҳ (0)